ՆՈՐՈՒԹՅՈՒՆՆԵՐ

Ծառայության հատուկ հյուրն էր «Նոր սերունդ» եկեղեցու հովիվ Տիգրան Թադևոսյանը։ Թեման արդիական էր, քանի որ ներկա իրականությունում այն գրեթե բացակայում է ։ Հովվի խոսքը կրում էր կառուցողական բնույթ, հագեցած`աստվածաշնչյան մեջբերումներով և օրինակներով։ Խոսքին հաջորդեցին բուռն քննարկումները։ Արդյունքում երիտասարդները հեռացան հավատարմության մասին նոր ու տպավորիչ բացահայտումներով, հաստատված կարծիքով։ 

Հավատարմության մասին աստվածաշնչում կարդում ենք հետևյալ համարներում` Հայտն. 2։12-18, Հայտն. 19։11-13, Առ. 28։20 ,,2 Տիմոթեոս 2։11-13, Տիտ. 1։16։

Հավատարմության աներկբա օրինակ է մեր Տեր Հիսուս Քրիստոսը։ Հավատարմությունը գործում է ազատության սահմաններում, իսկ կախարդությունը` մանիպուլիացիայում։ 

Ըստ հովվի խոսքի` մենք ճշմարտության խոսքն ենք քարոզում, այլ ոչ թե մեր անձնական ճիշտը։ Հավատարիմ մարդի օրհնությունները շատ են, բայց հարստանալու շտապողը անպատիժ չի մնա։ Հետաքրքիր զուգահեռներ անցկացվեցին «հավատարմության» և «ուրացման» միջև։ Որո՞նք են նրանց ընդհանրություններն ու տարբերությունները։ 

«Ճշմարիտ է այն խոսքը, որ եթե հետը մեռանք` հետն էլ կթագավորենք, և եթե ուրանանք, նա հավատարիմ կմնա, իր անձը չի կարող ուրանալ»։ 2 Տիմ 2 ։ 11-13: 

Հաճախ մեր շրջապատում լսում ենք, թե սա հավատարիմ է նրան կամ էլ մենք հավատարիմ ենք մեր Տիրոջը, բայց ահա թե ինչ է ասում Սուրբ Գիրքը այդ մասին. «Խոստովանում են թե Աստծուն գիտեն, բայց իրանց գործերովն ուրանում են նորան, պիղծ են և անհնազանդ և ամեն բարի գործի համար անպիտան» ։ Տիտ.1:16:

Ծառայության վերջում երիտասարդները կիսվեցին իրենց կարծիքներով և տպավորություններով։ 

Առաջին անգամ էի, տպավորված եմ խոսքի արժեքով, չկային փուչ խոսքեր։ Միջավայրը շատ լավն էր, մտածում էի, որ կճնշվեմ, բայց նորից կայցելեմ։ Ուրախալի է, որ կան երիտասարդներ, ում կարելի է վստահել։ Հասկացա, որ ավելի մակերեսորեն էի նայում ամեն ինչին և ես զգացի իմ սխալները։

Անի Գևորգյան

Շատ հետաքրքիր էր`ինչպես միշտ։ Նոր հայտնություններ ու գաղափարներ ծնվեցին 

Ժաննա Գրիգորյան 

Հետաքրքիր թեմա էր, նոր տպավորություններ ստացա, փոխվեց հայացքս հավատարմության վերաբերյալ։ Մինչ այս ունեի այլ կարծիք և պատկերացում հավատարմության մասին։ Բացահայտում էր ինձ համար հավատարմության և ուրացման ճանապարհները` վերադառնալն ու վերականգնելը։  

Նարեկ Դավթյան

Հիանալի թեմա էր, որը դիպչեց հենց սրտիս ու մտածելու տեղիք տվեց։ Հասկացա, որ հավատարմության շնորհիվ կարելի է բարձրացնել մարդկային այլ արժեքներ, որակներ։ Իմ կարծիքով հավատարմությունը սիրո պտուղ է, և երբ դու մեծամտանում ես, կորցնում ես հավատարմությունը։ Հավատարիմ լինելով անգամ քեզ ցավ պատճառողներին, դու բարձրացնում ես թե՛ քեզ, թե՛ նրան։