ՆՈՐՈՒԹՅՈՒՆՆԵՐ

Մթնոլրտը բաց էր, կարծես թե երիտասարդներով սրտից սիրտ զրուցում էինք` Հիսուս Քրիստոսի անվան շուրջ մեկտեղ հավաքված:

Գոռ եղբայրը վկայում էր իր կյանքի, ապաշխարության, Աստծո մեջ հաստատվելու, կայանալու, որպես անհատ Տիրոջ կողմից կանչված լինելու մասին:

Իր խոսքում նա կարևորում էր Աստծո կողմից կանչված լինելն ու սեփական կանչվածության մեջ ապրելը:

Նա խոսում էր, որ Աստված ցանկանում է մեզ տեսնել մեր կոչումի մեջ և դրա համար մեզ թրծում է փորձություններով, տաշում է, հղկում, որպեսզի դառնանք այնպիսի անհատներ Տիրոջ դաշտում, որոնց մասին կխոսեն անգամ դարեր անց:

Իր խոսքի վերջում եղբայրը մի հետաքրքրաշարժ թեստ արեց: Թվարկեց 12 անուններ, որոնցից ներկաները գիտեին միայն 2-ի անունները:

Այդ մարդիկ Իսրայելի 12 ցեղերի առաջնորդներն էին, որոնցից միայն Հեսուն և Քաղեբն էին, որ գնում էին իրենց կոչման հետևից և հենց նրանք էլ ժառանգեցին խոստացված երկիրը:

Ծառայության ավարտին հնչեցին մի շարք վկայություններ, բոլոր ներկաներն օրհնված էին և քաջալերված:

Աղբյուր` alivefaitham.am