ՆՈՐՈՒԹՅՈՒՆՆԵՐ

Հովիվն իր խոսքում մասնավորապես ասաց․«Ամեն ինչի համար իր ժամանակը կա՝ ժամանակ կա քարեր հավաքելու, ժամանակ կա քարերը թափելու (Ժող.3): Այսօր ժամանակն է, որպեսզի մեր կյանքի հիմնային քարերը հավաքենք: 

Մենք պետք է սովորենք, պատրաստվենք, մինչև որ Աստված մեզ ներկայացնի: Հիսուսը խոսում էր պատրաստված լինելու մասին՝ պատմելով 10 կույսերի առակը: 5 իմաստուն կույսերը ,յուղն ու լապտերները ձեռքներին,պատրաստ սպասում էին փեսայի գալուն: 

Այսօր մենք մեր լապտերի մեջ մշտապես պետք է յուղ ունենանք՝ օծություն: Պետք է պատրաստենք Աստծո ճանապարհը՝ Նա գալիս է, երբ մենք պատրաստ ենք: 

Կարևոր է նաև պատրաստվել ոչ թե մեզ համար, այլ որպեսզի կարողանանք ուրիշներին էլ պատրաստել, և երբ Տերը գա, նրանց էլ վերցնի մեզ հետ: 

Դավիթը Գողիաթի դեմ մենամարտի գնալուց անպատրաստ չէր, նա սովորել էր քարը ճիշտ նետել, կռվել էր առյուծի ու արջի հետ (1 Թագ. 17:22-33)։ 

Սակայն մեկ այլ հանգամանք էլ կար․ Դավիթը մեկ այլ առավելություն էլ ուներ, ինչի համար Աստված նրան ընտրել էր․ նա իր կյանքի առաջնային տեղում Աստծուն էր դնում, նա գիտեր ,որ Աստծով է եկել իր գիտությունն, ուժն ու կարողությունը:

Քրիստոնյաները չպետք է տգետ լինեն: Աստծո խոսքն ասում է ,որ մենք պետք է խորագետ լինենք օձի պես և միամիտ՝ աղավնու պես: Սկսենք կրթվել, զարգանալ բոլոր բնագավառներում, դառնանք անհատականություններ»:

Ծառայությունն ավարտվեց աղոթքով և երկրպագությամբ։

Մեզ հետ զրույցում երիտասարդներից ոմանք կիսվեցին իրենց տպավորություններով։

Վերջինս իր մեջ պարունակում է խրատ, հանդիմանություն և ծուռ ճանապարհից ուղղվելու ուղի: Մենք՝ երիտասարդներս, ունենք աշխատասիրության, քաջալերանքի, համբերատարության, զգոնության և ի վերջո իմաստության կարիք. հովվի խոսքը հենց այս ամենի մասին էր: 

Հավելենք նաև, որ «NG|YOUTH» երիտասարդական ծառայության հաջորդ հանդիպումը տեղի կունենա հունվարի 25-ին՝ ժամը 18:30, եկեղեցու գրասենյակում: Կարող եք հրավիրել ընկերներին և մտերիմներին։

«NG | YOUTH»