Շնորհավոր տոնդ, սիրելի ուսուցիչ
Սիրելի ուսուցիչներ:
Ձեր ստանձնած պարտականությունը մարդկային բարձրագույն պատասխանատվության դրսևորում է: Ձեր աշխատանքի շնորհիվ է Աստծո արարածը՝ մարդը, պահպանում այն կոչումը, որը նախասահմանել է Արարիչը՝ լինել Մարդ: Ձեր աշխատանքի շնորհիվ է մարդը ձգտում մտքի և հոգու կատարելության:
«Նոր սերունդ» եկեղեցին ի սրտե շնորհավորում է բոլոր ուսուցիչներին՝ Ուսուցչի օրվա կապակցությամբ: Թող Աստված Ձեզ հմտություն և իմաստություն տա՝ սերունդներին քրիստոնեաբար կրթելու, աստվածային ու մարդկային բարձրագույն արժեքներով աճեցնելու նվիրական գործում:
Թող Աստված լինի Ձեր առաջնորդը՝ մարդկության մեծագույն Ուսուցչին՝ Հիսուս Քրիստոսին նմանվելու ճանապարհին:
Թող Ձեր կյանքում իրականան աստվածաշնչյան հորդորն ու մաղթանքը. «Քո անձը բոլորին օրինակ դարձրո՛ւ բարի գործերի համար, ուսուցման մէջ պահի՛ր անեղծութիւն, սրբութիւն, պարկեշտութիւն»: (Տիտ. 2:7):
Սիրով ՝ «Նոր սերունդ» եկեղեցի:
